صوت مصرى

صوت مصرى


    أشعار عاميه للشاعر على سلامه

    شاطر
    avatar
    sokaty
    Admin

    عدد المساهمات : 269
    تاريخ التسجيل : 19/11/2009

    أشعار عاميه للشاعر على سلامه

    مُساهمة  sokaty في الأربعاء يوليو 07, 2010 5:46 pm

    أشعار عاميه للشاعر على سلامه

    --------------------------------------------------------------------------------

    هذه الابيات من تأليف الشاعر على سلامه وهى من الكلمات الجميله التى تعبر ببساطه عن إحساس مواطن مصرى بسيط
    ناقص حته وكل ما أوزن
    ألاقي لسه ناقصلي حته
    أحط حته تقل حته
    وأجيب قميص تضيع چاكته
    وأعيش لي ساعة يفوتني سته
    وكل ما أوزن ألاقي ناقص
    أقول بناقص لو هي حته
    أتاري لسه
    ولسه تاخد
    سنين وحته
    وحاجات تسيبني
    وحاجات تاخدني
    لحاجات تخبط
    في كل حته
    وأقول ها نفرح
    ف يوم ها نفرح
    ويوم مانفرح
    علي الله يفضل
    في القلب حته



    وهذه بعنوان الهم النبيل بجد جميله


    مش أنا امبارح
    رحت من بيتنا في السيدة
    للشغل في حلون
    في سبع دقايق
    لا شوفت حد زعلان
    ولا حد متضايق
    والورد إنسان
    والنخل متعايق
    والناس جميلة مؤدبة
    والجو رايق
    والدنيا ماشية لوحدها
    ولا حد سايق
    ومش انا
    امبارح برضه
    رجعت من الشغل في حلوان
    لبيتنا في السيدة
    في خمس دقايق
    لا حاسس بغربة
    ولا شايف غريب
    وقلبي ابيض حليب
    عندليب
    كروان فرحان
    شايل ف قلبي وف جيوبي
    الفرح أشكال وألوان
    وزعت ع الشوارع
    والبيوت والجيران
    وطلعت البيت
    ضربت الجرس
    فتحت مراتي وبالأحضان
    والعيال كمان فرحانين
    ناجحين وجايبين
    الدرجات النهائية
    من غير دروس خصوصية
    قمنا رقصنا وغنينا
    واحتفلنا واتغدينا
    فضلة خيرك
    سمك واستاكوزا
    وجمبري م الكبير
    وحلينا ب مهلبية
    وشربنا الشاي كمان
    وفجأة
    لقيتني بردان بردان
    بصيت لقيت
    الشباك مفتوح
    ومفيش بطانية
    ومراتي جنبي وزي ما هيه
    لسة بتعاني من آلام المفاصل
    وده اللي حاصل
    والحمد لله
    على كل شيء

      الوقت/التاريخ الآن هو الجمعة مارس 24, 2017 8:03 am